Груевски бара Џафери да се извини на јавноста
Објавено во: Македонија 16 Март, 2018
Пратеникот на ВМРО-ДПМНЕ, Никола Груевски вели дека воопшто не му била целта да предизвика инцидент, туку јасно и гласно да покаже дека не се согласувам со начинот на кој беше донесен Законот за употреба на јазиците.
Тој рече дека само ја оттргнал раката на спикерот Талат Џафери во моментот кога тој го допрел и дека ништо повеќе од тоа не се случило.
Груевски бара Џафери да се извини и на македонската и на албанската јавноста поради тоа што, како што рече, на шверцерски начин донел закон кој ги засега токму албанските граѓани.
Пред два дена, Груевски се обиде да го спречи гласањето на измените на Законот за употреба на јазиците.