Груевски е среќен што Јанева си оди од СЈО
Објавено во: Македонија 17 Јули, 2019
Екс премиерот Никола Груевски, кој доби политички азил во Унгарија, во интервју за словенечката телевизија „Нова 24“, изјави дека го израдувала веста дека поради корупција шефицата на СЈО Катица Јанева, поднела оставка.
Најавата за ова интерву на Твитер ја сподели новинарот Лука Светина, кој разговарал со Груевски во Будимпешта.
„Интервју со Никола Груевски, некогашен македонски премиер, против кого социјалдемократите водат политички прогон. Го посетивме во Будимпешта, каде што тој со радост ја прими веста дека поради наводна корупција специјалната обвинителка Катица Јанева, која го гони, си дала оставка“, пишува Светина на Твитер.
Jaнева откако си даде оставка не се појавила на работа, а не се појави ниту во медиумите. Од СЈО вчера се оградија од Јанева.