Што го загрижи толку Груевски за Македонија дури во Будимпешта: Еве што вели другарот што го посети

Добивај вести на Viber

Во Будимпешта екс премиерот Никола Груевски е добар, но загрижен. 

Груевски е во одлична здравствена состојба, загрижен е, и не излегува честo, вели Александар Трајковски кој беше „уловен“ на фотографија во Будимпешта, пренесе Телма. 

Тој вели дека патувал во Унгарија за да најде лек за проблемите со дишењето.

„Две години овде ме лекуваа со пумпица за дишење. Одлучив по препораката од матичниот лекар и заминав на преглед во „Дуна медикал“ во Будимпешта. Таму лекарите открија дека имам девијација во носот што постојано ми предизвикува инфекција на белите дробови“, изјави Трајковски.

Трајковски кажа дека со Груевски се сретнал како со сопартиец и поранешен лидер. Се пожали дека станал мета на јавноста поради Груевски и дека поради неговото патување и лекување како слободен човек, јавноста калкулирала со негово притворање и бркање од работа од Царина.

За сите одговори што прави Груевски во Будимпешта ги упати новинарите да му напишат порака на социјалните мрежи, затоа што тој постојано е активен. 

Трајковски минатата недела беше фотографиран во Будимпешта заедно со поранешниот премиер Груевски. Тој вчера беше во судот како еден од обвинетите во случајот на СЈО „Шлаканици во Центар“.