Груевски за 23 октомври - Борбата за слобода на Македонија продолжува и денес
Објавено во: Македонија 23 Октомври, 2016
Никола Груевски претседателот на ВМРО ДПМНЕ, на граѓаните на Република Македонија им го честита празникот 23 октомври како ден на Македонската револуционерна борба, потсетувајќи дека и денес продолжува борбата за слобода на Македонија но, во нови модерни услови за подобар живот на граѓаните.
- Како што Организацијата ги обедини сите под бајракот на слободата, така и денес треба да останеме сплотени, да останеме решителни и одлучни да го чуваме делото на Татарчев, Груев, Поп Арсов, Хаџи-Николов, Димитров, Батанџиев, но и на плејадата знајни и незнајни херои од борбата за слободна Македонија, вели Груевски.
Таа борба и денес е исто жива и силна како пред 123 години. Таа борба денес е борба за напредок, благосостојба, нови работни места, повисок стандард, подобро здравство, современо земјоделие, модерно образование и подобра иднина. Нека ни е честит 23-ти октомври, Денот на македонската револуционерна борба.Нека е вечна идејата на Македонската Револуционерна Организација, порача Груевски.