26 Јануари, 2021
0.0172

Гувернерката Бежоска потврди - нема да присуствува на вечерашната дебата, досега транспарентно известувале за случајот Еуростандард

Објавено во: Финансии 26 Ноември, 2020

Од Кабинетот на гувернерката Анита Ангеловска-Бежоска за Фактор потврдија дека таа вечерва нема да присуствува на телевизиското соочување, на кое ќе учествуваат сопственикот на пропаднатата Еуростандард банка, Трифун Костовски, како и екс директорот и прв човек на Управниот одбор на банката, Николче Петковски.

Поточно, од НБМ велат дека на вечерашната дебата нема да присуствива претставник на Народната банка. 

Од Народната банка нагласуваат дека институцијата, во врска со случајот „Еуростандард“ постојано транспарентно ја известувале и ја известуваат јавноста, во однос на прашањата коишто се во нивна надлежност, вклучително и преку бројни соопштенија со коишто е известена јавноста во целост, а и преку Надзорната расправа. 

Ова следува откако штедачите соопштија дека гувернерката нема да присуствува на емисијата, од, како што рекоа, добро познати причини. 

Во врска, пак, со бројните прашања кои до гувернерката беа поставени за време на Надзорната расправа во Собранието, а кои не беа одговорени заради временското огранучување, како што дознаваме, одговорите ќе бидат доставени во текот на оваа недела.

Како што веќе јавија штедачите, соочувањето ќе се случи вечерва на ТВ 24 во 18.15 часот.

Инаку, Фактор веќе пишуваше дека ОЈО за организиран криминал му замрзна имот на Костовски, нему и на членови на неговото потесно семејство, додека трае постапката што се води околу овој случај. 

Претходно, пак, Судот одлучи да го продава имотот на Еуростандард банка, односно да се впаричува стечајната маса. 

Трагата на парите ја следи и директорот на Управата за финансиска полиција, Арафат Муареми, кој исто така е најавен дека ќе учествува на соочувањето.

Како што е познато, НБМ и ја одзеде дозволата за работа на Еуростандард банка на 12 август годинава, по што врз банката беше отворена стечајна постапка. 

Од стечајот сигурно нема да може да се наплатат 55 милиони евра од кредити кои биле ненаплатливи, поради што нема да има доволно пари да се подмират штедачите кои во банката чуваа над 30 илјади евра. 

Н.Н.Ф.

Можеби ќе ве интересира

ВФП ДИВИДЕНДА – првиот инвестициски фонд во Македонија која годишно ќе исплаќа дивиденда

ВФП ДИВИДЕНДА – првиот инвестициски фонд во Македонија која годишно ќе исплаќа дивиденда

Повратот на ДДВ од предновогодишните пазарења во февруари: Чекајте пари за десетина дена

Повратот на ДДВ од предновогодишните пазарења во февруари: Чекајте пари за десетина дена

Рокот за поднесување на образецот ДДВ-04 е продолжен за четири дена

Рокот за поднесување на образецот ДДВ-04 е продолжен за четири дена

ДАЛИ НЕ Е МОРАЛЕН ХАЗАРД ОБЕШТЕТУВАЊЕТО ЗА ГЛОБАЛ - штедачите од Еуростандард со прашање до власта

ДАЛИ НЕ Е МОРАЛЕН ХАЗАРД ОБЕШТЕТУВАЊЕТО ЗА ГЛОБАЛ - штедачите од Еуростандард со прашање до власта

Паричната помош од 6.000 денари ќе стигне до уште 24 илјади граѓани - Законот за продолжување на рокот стигна во Собрание

Паричната помош од 6.000 денари ќе стигне до уште 24 илјади граѓани - Законот за продолжување на рокот стигна во Собрание

Глобалниот пазар е во рана фаза на закрепнување: Извештај на ВФП Фонд менаџмент

Глобалниот пазар е во рана фаза на закрепнување: Извештај на ВФП Фонд менаџмент

Трпески: Финансиските друштва полека стануваат „играч“ на финансискиот пазар

Трпески: Финансиските друштва полека стануваат „играч“ на финансискиот пазар

Извинете, ама треба да имате и „ментална подготовка“ за да купите биткоин

Извинете, ама треба да имате и „ментална подготовка“ за да купите биткоин

Шпаркасе ќе им плати на акционерите во Охридска банка по 5.577 денари за акција: НО ја одобри спогодбата

Шпаркасе ќе им плати на акционерите во Охридска банка по 5.577 денари за акција: НО ја одобри спогодбата