Хајдаи: Останувањето на позиции кои беа немилосрдно гранатирани со месеци едноставно нема смисла
Објавено во: Свет 24 Јуни, 2022
Украина нареди силите да се повлечат од клучниот источен град Северодоњецк.
Руските сили речиси го опколија Северодоњецк во последниве денови.
„Останувањето на позиции кои беа немилосрдно гранатирани со месеци едноставно нема смисла. Украинските сили добија наредба да се повлечат на нови позиции и оттаму да продолжат со своите операции“, изјави Серхи Хајдаи регионалниот шеф на Луганск за украинската телевизија.
Началникот на областа Северодоњецк Роман Власенко вели дека украинските војници се уште се во градот и дека повлекувањето сепак може да потрае. Градската инфраструктура е целосно уништена, при што над 90 отсто од куќите се гранатирани, а 80 отсто од нив се критично оштетени. Војната почна на 24 февруари.
Украинскиот претседател Володимир Зеленски вели дека ако ги изгубат двата клучни града во источна Украина, може да ја изгубат војната.foto EPA/OLEKSANDR RATUSHNIAK