19 Јуни, 2019
0.0232

Халкбанк АД Скопје и оваа година со поддршка на Ракометниот камп „Кирил Лазаров 7“

Објавено во: Мои пари 12 Јуни, 2019

Во пресрет на петтото јубилејно издание на Ракометниот камп на капитенот и најдобриот стрелец на сите светски и европски првенства, Кирил Лазаров, Халкбанк АД Скопје го објави четвртото по ред партнерство на овој проект, и тоа со најголема поддршка досега.

Ракометниот камп ќе се одржи во две смени, од 19 до 25 јуни и од 25 јуни до 1 јули 2019 година во Охрид, а Халкбанк оваа година ќе ги изненади децата со маскотата слончето Халки, која е симбол на детското штедење и која на секое дете што ќе слави роденден додека се одржува кампот, како подарок ќе му додели по 3.000 денари на штедна книшка.

„Во насока на поттикнување на вистинските општествени вредности, нашата банка е горд партнер и на Ракометната федерација на земјата, а, пак, веќе традиционалната поддршка на Ракометниот камп ’Кирил Лазаров 7‘ е само чекор повеќе да го препознаеме и да го наградиме успехот што се темели на посветеност, натпреварувачки дух и тимска работа. Истовремено, за нас од големо значење е и да ги едуцираме децата и да ја подигнеме свеста за штедење од најрана возраст, бидејќи со таква навика тие всушност инвестираат во својата иднина. Верувам дека со помош на Халки, и децата од овој ракометен камп ќе ја согледаат важноста од рано штедење, особено како дополнителен мотив за развој и поттик на нивната идна спортска кариера“, рече Маја Наумовска-Савеска од Дирекцијата за односи со јавност на Халкбанк АД Скопје.

„Халкбанк, како меѓународна групација на компании, бренд што е голем поддржувач на спортот и ракометот во Македонија, е вистински партнер за овој многу важен проект на најуспешниот македонски спортист. Ние сме исклучително благодарни што тие секоја година ја покажуваат својата лојалност кон ракометот и, всушност, единствено со вакви партнери проектот може долгорочно да се одржува и да гради нови ѕвезди на македонскиот ракомет“, изјави Горан Ѓоргоноски од агенцијата КМГ Спорт, во чија организација е Ракометниот камп.

Инаку, Ракометниот камп е наменет за деца од 7 до 17-годишна возраст, кои во текот на 7 дена поминуваат интензивен тренинг, дружење, едукација и квалитетна надградба со Кирил Лазаров и со неговиот тим од тренери. Досега во кампот учествувале повеќе од 1.000 деца, а дел од нив веќе ги бранат боите на Македонија.

Можеби ќе ве интересира

Студентски кредит од Халк Банка со 0% камата за студирање на Меѓународниот Балкански универзитет

Студентски кредит од Халк Банка со 0% камата за студирање на Меѓународниот Балкански универзитет

Oхридска банка воведува промотивни услови на кредитите за физички лица

Oхридска банка воведува промотивни услови на кредитите за физички лица

Запознајте ја Нела - првиот банкарски електронски асистент

Запознајте ја Нела - првиот банкарски електронски асистент

Отворен новиот продажен салон, Инженеринг и Сервисен центар на Енергија ДОО

Отворен новиот продажен салон, Инженеринг и Сервисен центар на Енергија ДОО

Битолска млекара ги наградува своите најлојални вработени

Битолска млекара ги наградува своите најлојални вработени

На Јавните претпријатија им треба вакцинација против корупција

На Јавните претпријатија им треба вакцинација против корупција

Продолжува поддршката на ИутеКредит на млади фудбалери за учество на Real Madrid Clinic камповите

Продолжува поддршката на ИутеКредит на млади фудбалери за учество на Real Madrid Clinic камповите

Даночни поттикнувања за македонскиот спорт (I дел)

Даночни поттикнувања за македонскиот спорт (I дел)

Едиција КАЛЕИДОСКОП – потребното освежување на македонската издавачка сцена

Едиција КАЛЕИДОСКОП – потребното освежување на македонската издавачка сцена