Хан бара целосна поддршка на работата на СЈО
Објавено во: Македонија 28 Септември, 2016
Европскиот комесар за проширување Јоханес Хан на денешната средба во Брисел со вицепремиерот задолжен за европски прашања Арбр Адеми побарал континуирана и соодветна политичка и институционална поддршка за работата на Специјалното јавно обвинителство.
И Хан и Адеми ја поздравиле оцената на политичките лидери за исполнување на предусловите за спроведување на изборите во декември како позитивен исчекор кон разрешување на долготрајната политичка криза во земјата.
Меѓудругото разговарале за неопходноста интензивно да се работи на спроведување на Итните реформски приоритети, со оглед на тоа што се однесуваат на области кои се клучни за владеењето на правото, особено делот на судството и јавната администрација, целосно спроведување на Охридскиот рамковен договор.
Во однос на прашањето на миграцијата. вицепремиерот Адеми и комесарот Хан се согласија дека е потребно да има зајакната соработка и размена на информации меѓу земјите од регионот и ЕУ, со цел подобро да се координираат активностите и да се избегнат ситуациите со зголемен прилив на мигранти и да се намали појавата на нелегална миграција.
Можеби ќе ве интересира
УТРЕ НЕМА ДА РАБОТИ ЖИЧНИЦАТА, А АВТОБУСИТЕ ЌЕ ВОЗАТ ПО НЕДЕЛЕН ВОЗЕН РЕД: Еве што велат од ЈСП
ЕВЕ КАКО „ЛИДЛ“ ВО МАКЕДОНИЈА ГИ ПРЕЧЕКУВА НОВОВРАБОТЕНИТЕ: Пред еден месец вработени 37 лица во логистика, финансии, продажба дистрибуција...
ОБРАЗОВАНИЕТО ЗАДОЛЖИТЕЛНО, АМА ДЕЦАТА НА РАБОТА – наместо во училишните клупи дел од тинејџерите работат, еве каде ги има најмногу
ДАЛИ ДОКТОР БЕЌАРОВСКИ ЗАМИНУВА ОД ТОКСИКОЛОГИЈА? „Дон Кихот го напушта оклопот, 35 години бев најголем борец“
КАКВО ВРЕМЕ ДА ОЧЕКУВАМЕ ЗА ВРЕМЕ НА ПРАЗНИЦИТЕ: Еве што вели првичната прогноза
ДАЛИ Е МОЖЕН БОЈКОТ ВО ВТОРИОТ КРУГ: Силјановска Давкова даде одговор
