ХОСПИТАЛИЗИРАНО Е 13-МЕСЕЧНО ДЕТЕ СО МОРБИЛИ: Прв случај на ситни сипаници се појави во Свети Николе
Објавено во: Македонија 03 Април, 2023
Прв случај на
ситните сипаници морбили утринава бил потврден во лабораторијата на Институтот
за јавно здравје кај 13-месечно дете од Свети Николе. Како што пренесува Сител,
вирусното заболување е потврдено и од страна на Комисијата за заразни болести,
при што е нагласено дека детето минатата недела со симптоми било
хоспитализирано во Клиничката болница Штип и е во добра состојба.
Утре ќе заседава и Комисијата за заразни болести за евентуални мерки како да се спречи ширење на вирусот кој е многу заразен.
Последен пат во земјава епидемија на морбили беше прогласена во декември 2018, а од наредната 2019-та немавме регистрирано случај.