Хотелите во Виена за шест месеци оствариле профит од 213 милиони евра

Добивај вести на Viber

Во периодот од јануари до јуни 2013-та година, во Виена, регистрирани се вкупно 5.7 милиони ноќевања, што е за 3.1 проценти повеќе отколку во истиот период лани, покажуваат податоците. Гостите од странство оствариле 80 проценти од ноќевањата. Туристите од Германија оствариле 3 проценти од ноќевањата или 34.000, од Австрија биле 2 проценти или 26.000 и од Русија 14 проценти или 44.000 повеќе отколку во првите шест месеци од 2012-та година. Најголем пораст оствариле посетителите од Јужна Кореа (+29 проценти) или 53.000 ноќевања. Гостите од Италија и Шпанија биле нешто помалку во австриската престолнина отколку лани. Бројот на ноќевања на Италијанците се намалил за 10 проценти или на 245.000, а  на Шпанците за еден процент, односно на 133.000. Непроменет резултат во споредба со истиот период од 2012-та година оствариле гостите од САД (276.000 ноќевања) и од Франција (165.000). Просечната полугодишна пополнетост на креветите изнесувала 50.3 проценти. За периодот од јануари до мај нето-прометот од ноќевањата изнесувал 213 милиони евра.