Хроничо болните да се ослободат од работа бара лидерот на ВМРО-ДПМНЕ, Христијан Мицкоски
Објавено во: Македонија 27 Октомври, 2020
Лидерот на
опозициската ВМРО-ДПМНЕ ги повика здравствените власти да ги ослободат од работа граѓаните кои имаат хронични
заболувања во периодов кога има висока загаденост на воздухот и поради епидемијата на корона вирусот, кој во последниве 10-тина дена зема се поголем замав.
-Поради високата загаденост на воздухот, паралелно со пандемијата од ковид, апелирам до Владата, министерот за здравство Филипче и до политичката Комисија за заразни болести, хронично болните да се ослободат од работа. Посебно тие со белодробни заболувања. Бројот на починати на дневна основа кажува колку е алармантна состојбата, а околу 80% по тврдењата на самите институции од починатите имале хронична болест. Починатите не се само бројка, тоа се луѓе, судбини, семејства завиени во црно. Да спасиме живот, ја имаме таа можност, потенцира Мицкоски.
Инаку, пред точно два месеца, Владата донесе одлука хронично болните, кои од почетокот на епидемијата целосно беа ослободени од работа, да се вратат на работните места. Единствено може да останат дома, односно да бидат на боледување кои до работодавецот ќе достават потврда со дијагноза и мислење од лекар специјалист.