Хрватка заглавена во Австрија раскажа каков хаос создаде снегот
Објавено во: Свет 11 Јануари, 2019
Снегот создаде хаос во Австрија, а во лавина загинаа најмалку седум лица, а многумина останаа завеани од снегот.
Една од нив е Хрватката, Снежана Бочкај која работи во еден хотел во Австрија.
Персоналот и дури 20 од вработените се веќе 6 дена заглавени, а снег уште паѓа.
„Работам во еден помал хотел во Фугенберг во Тирол. Снег има повеќе од 2,5 метри и сѐ уште се трупа. За час време паѓа и по 15 сантиметри снег и така веќе 10 дена“, рекла жената.
Таа раскажа и дека гостите кои се заглавени во хотелот, со лопатите во раце помагат да се исчисти снегот, посебно од покривот на хотелот, зошто поради тешкиот снег може да се сруши.
Гостите се претежно од Германија и Австрија.
Патиштата се затворени и засега имаат доволно храна, но не се знае колку долго снежното невреме ќе трае.