Хрватска и БИХ најавуваат намалување на платите, но не радикално како Македонија
Објавено во: Економија 24 Март, 2020
Намалување на 10 до 15 проценти на платите во јавниот сектор се најавени во Хрватска и БИХ, како дел од сетовите на економски мерки кои се нижат како потреба за излегување од рецесијата која се најавува поради епидемијата на корона-вирусот.
Земјите во регионот презедоа различни мерки за заштеда во економијата од почетокот на ширењето на корона вирусот, вклучително и намалување на платите во јавниот сектор, а истото се најавува и во Македонија.
Хрватскиот министер за економија Дарко Хорват претходно рече дека, освен ако другите методи не помогнат за време на кризата со коронавирус, платите во јавниот сектор мора да бидат намалени.
Најголем дел од мерките што изминатиот викенд ги предложи лидерот на СДСМ, Зоран Заев, е извесно дека ќе бидат прифатени од Владата, меѓу кои и сведување на речиси сите плати во јавниот сектор на минимална.Актуелното мислење на синдикатите е дека тие не треба да бидат намалени така радикално и дека во ниту една друга земја од регионот нема нивно редуцирање.