Хрватска носи дома „полни куфери“ од Русија
Објавено во: Свет 16 Јули, 2018
Со освојувањето на второто место на Светското првенство во Русија, хрватската репрезентација ќе заработи богатство - 28 милиони долари, додека француската за светската круна ќе добие 10 милиони $ повеќе.
Секој тим кој учествува на Светскиот куп добива осум милиони долари, преминот во елиминациската фаза обезбедува дополнителни четири милиони и уште четири милиони долари за четврт-финалето.
Наградата за влез во полуфиналето изнесува 22 милиони долари, односно толку ќе заработи Англија со пласманот на четвртото место. Третото место и носи 24 милиони на Белгија.
Хрватскиот фудбалски сојуз и играчите се согласија дека 60 отсто од наградата на ФИФА оди за федерацијата, а 40 отсто ќе поделат помеѓу себе фудбалерите и стручниот штаб.
Интернационалната фудбалска федерација (ФИФА) го зголеми наградниот фонд за Светското првенство во Русија во 2018 година на 400 милиони долари, што претставува зголемување од 12 отсто во однос на Светското првенство во Бразил во 2014 година.
За успехот во Бразил светскиот шампион Германија доби 35 милиони долари, како финалист на Аргентина и следуваа 25, додека Холандија за третото и Бразил за четвртото обезбедија по 22, односно 20 милиони долари.