Хрватската полиција ја враќа истрагата на почеток: Пријателите на Матеј повторно на полиграф

Добивај вести на Viber

Иако хрватската полиција не ги открива сите детали од потрагата по исчезнатиот Матеј Периш (27) од Сплит во Белград чија трага се губи на новогодишната ноќ, „Новости“ дознава дека неговите пријатели, кои биле со него кобната ноќ во клубот „Готик“ во Бетон хол, повторно се на распит.

Доколку има потреба, повторно ќе им биде извршено полиграфско тестирање, за да се утврди дали ја кажале целосната вистина на полицијата во Србија. Наводно во нивните изјави има две различни верзии, па сплитската полиција сака да ја дознае целосната вистина.

Резултатите од истрагата ќе бидат испратени до колегите во Србија, за да се добие целосна слика за настаните што му претходеа на исчезнувањето на Матеј ноќта меѓу 30 и 31 декември минатата година. Неговите пријатели сѐ уште не даваат изјави за медиумите, а полицијата на двете земји постојано разменува информации важни за расветлување на целиот случај.

Хрватскиот новинар Душан Миљуш, кој го следеше случајот во Белград за „Јутарњи лист“, вели дека сослушувањето на пријателите на Матеј може да трае неколку дена. Овој хрватски весник во понеделникот објави дека на пријателката на Матеј, Сплитјанката Маја С., со која тој комуницирал во кобните вечери, наводно не и било дозволено да ја напушти Србија и дека и бил одземен пасошот, што во понеделникот српското МВР го демантираше.

Пред десетина дена пред зградата на полицијата во Белград ја пречекал Ненад Периш, таткото на Матеј. Весникот ги цитира зборовите на Ненад дека Маја рекла дека не успеала да комуницира со Матеј поради вревата во кафеаната. Точноста на таа изјава допрва треба да се утврди.

- Син ми се обидел да го оствари последниот контакт со пријателката на својата пријателка испраќајќи и порака на „Инстаграм“, но таа не му одговорила - вели Ненад Периш, таткото на исчезнатиот млад човек. 

-Немам информација дека мојот Матеј се слушнал со пријателката. Таа не одговорила на неговата порака. Не дознав што сакал од неа. Убеден сум дека пријателите на Матеј кажаа се што знаат и дека им е тешко поради се што се случи. Ми рекоа дека „мислеле дека разговара со некого, па не го барале веднаш“. Ги разбирам, бидејќи сите дојдоа да се забавуваат.