ХРВАТСКИ ЕПИДЕМИОЛОГ ПРЕДУПРЕДУВА - ќе биде лошо ако се преклопат короната и грипот, тоа може да биде поразително за постарите луѓе

Добивај вести на Viber

Хрватскиот вирусен имунолог од Риека проф. д -р Бојан Полиќ вели дека не се вакцинирани доволно луѓе.

„Вакцините се најдоброто достигнување на медицината во последните 100 години. Тие се покажаа како ефикасни против разни болести, некои се искоренети, некои се држат под контрола и гледаме дека тие функционираат и кај примерот на ковид, бидејќи спречуваат потешки форми на болести и смрт“, рече тој.

Зошто е тоа тгака, вели дека не знае дали е тоа поради недоверба во системот, науката или поради дезинформации. 

„Ако одиме од Западна Европа кон исток, тој процент драстично опаѓа. Во земјите од Западна Европа, стапката на вакцинација е над 70, дури и 80 проценти, во нашата земјата е 50 проценти, а во Бугарија и помалку. Ова не е добро затоа што во присуство на варијантата делта на коронавирусот ни се заканува зголемување на бројот на хоспитализирани и починати“, посочи тој.

Со доаѓањето на постудените месеци, постои опасност и од ширење на грипот. 

„Грипот исчезна донекаде затоа што се придржувавме до мерките, и тој е помалку заразен од корона. Бидејќи ги олабавивме мерките во повеќето случаи, мислам дека и грипот може да се појави. Би било лошо да се преклопат короната и грипот и да ги имаме и двете епидемии во исто време. Тоа може да биде поразително за некои луѓе, особено за постарите лица“, заклучи Полик.