ХРВАТСКИОТ ЕПИДЕМИОЛОГ НОВОСЕЛ: Четвртиот бран е во подем, искуството од Израел покажува дека против ковуд ќе се вакцинираме сезонски
Објавено во: Балкан 20 Септември, 2021
Хрватскиот
епидемиолог од Заводот за јавно здравство, Ива Пем Новосел, гостуваше во ХРТ каде зборуваше за
состојбата со коронавирусот. Таа вели
дека и Хрватскауште не е на врвот на четвртиот бран, но дека е во замав.
"Ние кои сме вакцинирани веруваме дека сме заштитени. Да, но од тешка форма на болеста и од хоспитализација, но не и од заразување со ковид. Кога ги следите бројките, прво имавме 500, потоа 900, па преминавме 1.000, така што оваа недела се приближивме опасно до бројката од 2.000 новозаразени и се плашам дека ќе ја надминеме оваа недела. Не би сакала да давам негативни најави, но и покрај сите најдобри очекувања, очигледно е дека варијантата на делта е многу заразна и очигледно е дека многу лесно се пренесува и, за жал, имаме многу голем број на новозаразени лица, како и многу пациенти кои се на респиратор “, вели д-р Пем Новосел.
Во однос на третата доза од вакцината против ковид, таа нагласи дека според искуството од Израел, најверојатно вакцинацијата против овој вирус ќе стане сезонаска.
-Израелците веќе се подготвуваат да ја дадат четвртата доза од вакцината и тврдат дека ќе се вакцинираме против Ковид-19 сезонски, барем еднаш годишно, на есен. Фактот дека вирусот мутира е исто така основен проблем со овој вирус. Со оглед на тоа што претходно се надевавме дека откако ќе го надминеме, ќе добиеме доживотен имунитет и нема да мораме повеќе да се вакцинираме, за жал, поради овие мутации не е така. Што се однесува до третата доза на вакцината, поголемиот дел од ЕУ ќе ја препорача за имунокомпромитирани луѓе, и многу веројатно кај постарата популација, вели таа. Размислуваме и за повторно вакцинирање на здравствените работници. Оваа недела ќе се донесе одлука на ниво на ЕУ, чекаме мислење од ЕМА, а потоа Хрватска ќе излезе со својот став, но не очекуваме чуда од таа трета доза “, рече Пем Новосел.
Таа објасни дека „Ковид-19“ е системска болест која предизвикува бројни компликации и не треба да се игнорира.
„Вакцинацијата е еден од важните начини за заштита, но дури и тие основни мерки не треба да се занемарат - држење дистанца, вентилација во просторијата и носење маски“, рече таа, додавајќи дека луѓето веќе се малку уморни од овие мерки, но тие се уште се потребни, со оглед на тоа дека доаѓа есента, а луѓето ќе останат во затворени простории подолго.
Извор: Индекс.хр