Хрватскиот МНР Радман: Северна Македонија и Албанија ќе добијат „Датум“ кога ќе ги исполнат целите и критериумите
Објавено во: Балкан 25 Мај, 2020
Хрватскиот министер за надворешни работи, Гордан Грлиќ Радман, одговарајќи на критиките на опозиционерот Јошко Клисовиќ дека претседателството на Хрватска со ЕУ не вродило со доделување прецизен датум за отпочнување на преговорите со Северна Македонија и Албанија одговори дека прво тие две земји за тоа треба да ги исполнат „целите и критериумите“, прнесува Јутарњи.
„Знам колку напор вложивме и колку видливи сме во ЕУ. Зборовите на г-дин Клисовиќ не спаѓаат во плодно тло. Хрватска успеа да обезбеди континуитет на сите процеси во ЕУ и покрај пандемијата на коронавирус, на Северна Македонија и на Албанија им е дадено зелено светло за да започнат преговори, а Загребската декларација за Западен Балкан е посеопфатна од таа во Солун, рече министерот во владата на ХДЗ.
На претходната забелешка на Клисовиќ дека двете балкански земји не добиле датум за почеток на преговори, Радман вели дека одлуката на Европскиот совет во 2006 година го дава датумот „кога ќе бидат исполнети целите и критериумите“.
„И Хрватска беше жртва на таа одлука. Покрај критериумите, Хрватска доби и мерила“, рече Грлиќ Радман.