ХУМАНИТАРЕН ГУРМАНСКИ ХЕПЕНИНГ – СВЕТСКИ ПИКНИК 2018
Објавено во: Македонија 22 Јуни, 2018
Стопанската комора на Македонија и Советот на странски инвеститори организираат хуманитарен гурмански хепенинг - Светски пикник, кој традиционално се одржува трета година по ред.
Целта на настанот е да се промовираат позитивните ефекти на странските инвеститори врз националната економија и претставување на културата на земјите од каде што потекнуваат преку најавтентичните рецепти од нивните национални кујни и другите културни обележја како и нивната корпоративна општествена одговорност во Република Македонија.
На Светскиот пикник присутните ќе имаат можност да вкусат карактеристични рецепти од над десетина различни земји од каде што потекнуваат странските инвеститори во Македонија, а собраните средства ќе бидат донирани во хуманитарни цели.
Светскиот пикник ќе се одржи на 24 јуни 2018 година (недела), со почеток во 12:00 часот, во Градски парк во Скопје (зад споменикот на Гоце Делчев).