Граѓански организации, Филхармонија, уметници: Македонскиот народ се организира за помош на настраданите од земјотресите во Турција и Сирија

Добивај вести на Viber

Ние Македонците сме хуман народ, тоа многупати сме го покажале, а и овој пат по веста за катастрофалниот земјотрес кој се случи во Турција и Сирија го обедини народот и почна самоиницијативно да собира помош за засегнатите во овие две земји.

Засега црниот биланс од земјотресите во Турција и Сирија се искачи на 8.000 загинати лица, но се стравува дека бојката ќе продолжи да расте, а студеното време и ниските температури не им одат во прилог на спасувачките единици.

Националната Филхармонија објави дека парите од продадените билети за концерот Гајрет, кој ќе се одржи во четврток ќе бидат донирани како помош за настраданите во катастрофалниот земјотрес.

Уметниците и сопружници Ана и Александар Филев, од Струмица истотака самоиницијативно, вчера на своите профили на социјалните мрежи објавија по една уметничка слика изработена од нив и потенцираа дека целата заработка од сликата ќе оди на сметката на Фондот за солидарност.

Уметничкото дело на ликовниот уметник Филев се продаде за еден час, за 30.000 денари и целата сума беше уплатена на Фондот за солидарност за Турција и Сирија. И уметничкото дело на Ана Филева насловена како „Охридска куќа“ се продаде за 30.000 денари, а сумата е уплатена на Фондот за солидарност на Црвен крст на Македонија, со назнака:  помош за населението во Турција и Сирија.

Се уште се отворени пунктови каде што најчесто се бара да се донираат кебиња, јакни, палени, бебешка облека, конзервирана храна... онаа кое сега засега е најпотребно за населението во настраданите области, но се отворија и телефонски броеви за донации 143400.

Дека Македонците сме народ со големо срце покажуваат и апелите од одредени кафулиња во земјава кои доколку отидете на кафе наместо да го платите кафето со пари, барат да испратите СМС порака на броевите за донации. Тука се и граѓанските организации кои исто така од понеделникот се со постојани апели за донации. 

Доколку можете помогнете, да им покажеме на Турците и Сирииците дека сме народ кој сочувствува со нив и како што Турција меѓу првите држави и помогна на земјава далечната 1963 година, кога Скопје го зафати страшниот земјотрес, да им помогнеме сега ние.

Фото: Youtube - screenhsoot

Н.М.