И Британија ја „пушти“ Македонија во НАТО
Објавено во: Македонија 16 Октомври, 2019
Велика Британија го ратификуваше членството на Македонија во НАТО, а веста ја објави британскиот министер за надворешни работи Доминик Раб, кој го потпиша Протоколот за пристапување на земјата во Алијансата.
Тоа значи дека до сега 24 земји-членки го завршија процесот на ратификација, откако денеска претходно тоа го стори и италијанскиот Сенат.
– Со големо задоволство денеска го потпишав Протоколот за пристапување на Северна Македонија во НАТО заедно со амбасадорката А. Миовска. Со нетрпение очекувам Северна Македонија да пристапи кон семејството на НАТО и да присустува на состанокот на лидерите на НАТО во Лондон и да помогне во промоција на меѓународниот мир и безбедност, напиша Раб на Твитер.