И Буџаку раскашалено трошел и се честел во скопски ресторани, тој се правда
Објавено во: Економија 07 Декември, 2017
Додека работниците мизерувале со ниски плати, в.д. директорот на ЦУК не штедел на ручеци во скапи ресторани платени со службени картички.
Денеска вакви критики за раскашалено трошење стигнаа на сметка на Агрон Буџаку кој според претседателот на синдикатот на вработените во ЦУК Илија Бојаровски трошел и по 40 илјади дневно за ручеци.
Бојаровски обвини за поставување на некомпетентни кадри по партиска линија, практика која беше евидентна за поранешната владеачка гарнитура.
Имено, Бојаровски тврди дека Буџаку во еден ден седел во скопски ресторан и пречекувал седум делегации една по една, каде потрошил над 40 илјади и 700 денари каде од вкупно седумте платени ручеци во тој ден, пет биле за една иста делегација, а тоа е делегацијата на Јапонија.
Буџаку и неговите блиски соработници покрај раскашаленото трошење, ги злоупотребувале и службените возила и си ги користеле за лични работи по завршувањето на работното време.
Синдикатот денеска побара со ЦУК да раководат и да се поставуваат професионални кадри од сферата на кризниот менаџмент, како што се и јасните препораки на меѓународната заедница.
Буџаку се правда
Целта на Бојаровски е да ме оцрни и да седне во директорското место, се правда в.д. директорот на ЦУК по овие обвинувања.
Буџаку тврди дека ручекот со шесте членови од јапонската асоцијација е платен со пари резервирани од буџетот на ЦУК, и дека се работи за еден ручек а не како што рекол Бојаровски шест.