И ЦРНА ГОРА „УДИРА“ ПО НАРОДОТ, ДОДЕКА БОГАТИТЕ СЕ БОГАТАТ: Нема дополнителен данок за богаташите
Објавено во: Балкан 22 Април, 2018
Црна Гора има 64 милионери и тие на своето богатство не плаќаат дополнителен данок, и покрај бројните иницијативи на Владата да воведе дополнителен данок на луксуз.
И додека на граѓаните им се воведуваат такси на горива, струја или цигари, нема волја да се оданочуваат енормно богатите, сметаат во НВО секторот.
Најбогатиот црногорец на својата сметка во банка има 63,3 милиони евра. Во Црна Гора има вкупно 64 граѓани , кои на своите сметки имаат депозити во износ од преку милиони долари.
Оние кои најмногу имаат и покрај барањата на јавноста не плаќаат данок на екстра профит.
„Од друга страна имаме политика која во последните децении десетици милиони зема од најсиромашните граѓани, без разлика дали се работи за такси на гориво или струја, за кои се покажало дека не биле во согласност со Уставот. Исто така, за жал имаме политика која и понатаму со задоволство зема од најсиромашните, а не од оние кои се најбогати“, рекол Дејан Миловац од МАНС за медиуми од регионот.
Од Министерството за финансии на Црна Гора пак рекле дека нема потреба од дополнително оданочување на милионерите.