И кадар на ДУИ е во игра: Борба за директорското место во МЕПСО

Добивај вести на Viber

Демократската унија за интеграција, владиниот коалиционен партнер го бара директорското место во МЕПСО, дознава Фактор од свои извори. Преговoрите се во тек, брифираат и владини извори и потврдуваат дека имало разговори, на чело на оваа компанија да застане кадар од ДУИ. Сепак велат дека и покрај тоа што имало начелен договор, во текот на вчерашниот ден, разговорите оделе во насока поделбата на директорските позиции да остане таква каква што беше и пред „метлата“ на премиерот Зоран Заев со која тој смени над дваесетина директори и уште педесетина членови на одбори.

Чистката ги зафати и двете најголеми и најмоќни државни компании енргетските МЕПСО и Електрани на Северна Макеоднија. Премиерот предложи разрешување на директорот Сашо Василевски и на Драган Миновски од ЕСМ. Тој предлог треба да помине уште еден филтер, но се уште е нејсано кои ќе бидат новите луѓе кои ќе седнат во испразнетите места.

На местото на Миновски во Електрани, според веќе објавеното беше предложен и ќе седне довчерашниот директор на РЕК Битола, Васко Ковачевски, но до сега не е објавено името на наследникот на Василевски. Според нашите извори МЕПСО уште пред Василевски било пикирано од ДУИ, но тогаш не станало збор за такви рокади. По смената оваа промена била актуелизирана, но иако преговорите уште се во тек, од вчера станало неизвесно дали Заев ќе попушти и ќе дозволи ДУИ да влезе во електропреносниот оператор.

А.Т.