И Мицкоски ги искоментира изјавите на Каракачанов
Објавено во: Македонија 10 Декември, 2018
Претседателот на ВМРО-ДПМНЕ Христијан Мицкоски, коментирајќи ги последните изјави на бугарскиот министер за одбрана и вицепремиер, Красимир Каракачанов рече дека има сили во двете земји кои не им мислат добро на односите помеѓу соседите.
„Постои основано сомнение за поткуп за издавање на бугарски пасоши, во неговата земја. Па така овој квази патриотски набој и крик на господинот Каракачанов е во функција на таа политика“, изјави Мицкоски.
Каракачанов истакна дека Македонија се обидува да се протурка во Европската Унија, потпишувајќи договори, додека пак европските вредности означуваат да не ја крадеш историјата на пријателите. Тој го оспори македонскиот јазик.„Компромиси со историјата на Бугарија нема да дозволам“, рече тој.
Тој упати остри критики за македонскиот премиер, Зоран Заев.