16 Октомври, 2019
0.0166

И министерката Ангеловска анализира дали треба да се одложи даночењето на капиталните добивки

Објавено во: Финансии 03 Октомври, 2019

И Министерството за финасии прави дополнителни анализи за тоа дали треба да се одложи оданочувањето на капиталните добивки, кое според измените на Законот за личен доход, треба да стартува од први јануари следната година.

Од Министерството за финансии за Фактор изјавија дека ги разгледуваат сите околности и прават дополнителни анализи од областа на даноците.

Ги разгледуваме сите околности по однос на прашањето и во тек се и дополнителни анализи од областа на даноците. Благовремено ќе се произнесеме со повеќе информации согласно резултатите од анализите“, велат за Фактор од Министерството за финансии.

Вчера истата најава стигна и од вицепремиерот за економски прашања, Кочо Анѓушев, кој рече дека во Владата се размислува да се одложи одночувањето на капиталните добивки. 

Инаку, таа новина беше донесена со измени на Законот за личен доход уште лани кога беше воведен и прогресивниот данок. За тие даночни измени се залагаше поранешниот министер за финансии Драган Тевдовски, кој ги бранеше со тезата дека на таков начин се реалоцира богатството и се постигнува поголема еднаквост. 

Законот предвидува граѓаните да плаќаат данок и од 15 отсто за диведендите, данок за заштедите кои ги чуваат во банка, ако каматите годишно надминат 15 илјади денари, за  каматите од хартиите од вредност, и данок на каматите од заемите.

„Сакаме да го стимулираме пазарот на капитал, сакаме да го стимулираме развојот на берзата. Доколку тоа е една од мерките коишто треба да се направат за да биде тоа стимулирано, секако ќе разговараме и за таа опција“, рече вчера вицепремиерот Анѓушев. 

Комисијата за хартии од вредност веќе поднела иницијатива до Владата и министеството за финансии за измени и дополнувања на Законот за личен доход, каде бараат одложена примена.

А и брокерите од поодамна апелираат дека треба да се одложи данокот на капитрална добивка, со образложение дека тој негативно ќе се одрази врз пазарот на капитал.

Капиталните добивки се всушност разликата меѓу поскапо продадените и поевтино купените акции на берзата, и за играчите на пазарот на капитал тие се една од главните мотивации за тргување на Берзата. 


Можеби ќе ве интересира

МИНИМАЛЕЦ ОД 14.500 ДЕНАРИ - посреќни работници, скептични газди - треба ли уште еднаш да се „премери“

МИНИМАЛЕЦ ОД 14.500 ДЕНАРИ - посреќни работници, скептични газди - треба ли уште еднаш да се „премери“

МФ: Со денешната редовна аукција Министерството за финансии сервисира стари долгови од пред 5 години

МФ: Со денешната редовна аукција Министерството за финансии сервисира стари долгови од пред 5 години

Од камен прават хартија: Спасуваат многу дрвја и трошат помалку вода

Од камен прават хартија: Спасуваат многу дрвја и трошат помалку вода

Амбасадата на Р. Словенија и Creative Hub во организација на првиот Креатон

Амбасадата на Р. Словенија и Creative Hub во организација на првиот Креатон

Манчевски: Ако не ги ажурираат податоците, институциите нема да ја земат платата

Манчевски: Ако не ги ажурираат податоците, институциите нема да ја земат платата