И Пендаровски со силна осуда за палењето на бугарското знаме во Вевчани
Објавено во: Македонија 15 Јануари, 2021
Шефот на државата, Стево Пендаровски денеска на својот профил на Фејсбук изрази силна осуда за палењето на бугарското знаме на вчерашниот последен ден на карневалот во вевчани. Знамето го запалија учесниците во карневалот заедно со останатите маски.
-Палењето на знамето на Република Бугарија за време на карневалот во Вевчани е недопустливо и за осуда. Меѓу соседите е неопходно градење на доверба, разбирање и почитување, напиша претседателот Пендаровски.
Претходно, како што објави Фактор, остар вербален демарш доставил до македонското Министерство за надворешни работи, бугарскиот амбасадор во земјата Ангел Ангелов, на барање на бугарската министерка за надворешни работи Екатерина Захариева.