И ТОРТЕВСКИ ВО „ТРКА“ ЗА СКОПЈЕ: Ќе застане рамо до рамо со Шилегов, Камиказа, Јосифовски и двете дами, Данела Арсовска и Ана Петровска
Објавено во: Македонија 29 Август, 2021
И познатиот
скопски адвокат Александар Тортевски, со објава на Твитер ја навести неговата
кандидатура за градоначалник на Скопје. Нема официјална одлука, но ќе биде
соопштено во вторник, вели адвокатот Тортевски кој е еден од основачите на
партијата „Твоја“.
-Се уште не сум ја објавил официјално кандидатурата. Во вторник ќе имаме официјална прес конференција и ќе промовираме дел од кандидатите. Јас сигурно ќе одам за Скопје, напиша Тортевски на Твитер.
Поддршка да добијат градоначалники мандат за главниот град веќе побараа, актуелниот прв човек на Скопје, Петре Шилегов, од владејачката СДСМ, како и Петар Георгиевски-Камиказа од Левица, но рече дека ќе настапи како независен. За независни кадидатки, потписи собраа и двете дами претседателката на ССК, Данела Арсовска и Ана Петровска, екс-директорка на Државниот инспекторат за животна средина.
Поранешниот пратеник, пак на НСДП, Љубомир Јосифовски, исто така собира потписи за да се кандидира за градоначалник на Скопје.