Игротеките бараат уште една плата и да се знае дали ќе има скрининг за нив

Добивај вести на Viber

Асоцијацијата на забавни и рекреативни дејности од Услужната комора во која претежно членуваат игротеки и други установи за едукација на деца денеска доставија четири барања до Владата, од која се бара материјална и техничка поддршка заради што е можно побрзо отворање на нивните дејности.

Од таму од Владата бараат да им се обезбеди материјална помош за обезбедување на средства за превенција и заштита за безбедна работа. За задржување на работните места, мерката за финансиска помош од 14.500 денари да важи за месец јуни или да се даде еднократна финансиска помош. Побрзо да биде најавен точен датум за повторно отворање на игротеките за да нема голем број одложени прослави поради неизвесноста. Се бара да се водат дополнителни разговори и консултации со здравствените комисии заради што е можно попрецизен протокол на работа за нивно повторно отворање.

„Со разбирање и доверба од корисниците и поддршката од владата, за која сме сигурни дека ќе ја добиоеме, што поскоро да почнат со работа и објектите од нашата дејност. Потребно ни е навремено да знаеме дали скрининг ќе треба и ние да правиме, како градинките, а затоа бараме и помош, тоа чини пари, а ние сме 80 дена без работа. Киријата е проблем, платите, сметките, се ставено на куп е голем проблем, рече Трајко Николовски, претседателот на асоцијацијата, пред медиумите.