Илија Димовски: Не успеавме да воспоставиме директен контакт со Албанците
Објавено во: Македонија 19 Ноември, 2019
Пратеникот Илија Димовски дебатирајќи во емисијата „Што не е јасно?“ на Алфа ТВ синоќа рече дека една од грешките на ВМРО-ДПМНЕ е што не успеала да воспостави директен контакт со етничките Албанци во Македонија.
„Дозволивме други да шират фобија кај нив против нас. Не направивме директн линк и дозволивме да бидеме злоупотребени од оваа структура на власт, иако градевме и реконструиравме училишта, водоводи и болници во средините каде што доминира албанското население исто како во местата каде што македонското е мнозинство, рече во една прилика Димовски.
Тој ова го кажа во пресрет на предвремените параментарни избори кои треба да се одржат во април следната година. ВМРО-ДПМНЕ на претходните во декември 2016 не успеа да состави Влада со ДУИ иако освои најголем број на пратенички места.