Илија Димовски се уште само ја подотвора вратата за државен ревизор
Објавено во: Економија 21 Октомври, 2019
Пратеникот Илија Димовски, инаку претседател на собраниската Комисија за именувања, најави дека во текот на оваа работна недела би можело да биде избран нов државен ревизор.
Заводот за ревизија веќе е обезглавен, а без раководител не може да функционира оваа важна државна институција која го контролира материјалното и организационото работење на државните органи и политички партии.
Димовски во текот на денешната седница најави дека течат меѓупартиските консултации и, како што вели тој, доколку се оди во најдобар ред, може до крајот на неделата да се избере првиот ревизор.
Беќе изминуваат две години откако Собранието го објави огласот за избор на нов Главен државен ревизор. Толку време Државниот завод за ревизија нема прв човек затоа што ниту еден од предложените кандидати до сега не беше избран.