Илјада денари награда за ловците кои ќе вршат отсрел на диви свињи

Добивај вести на Viber

На денешната прес конференција вицепремиерот и министер за економски прашања, Кочо Анѓушев ја информира јавноста дека ловците кои ќе вршат отстрел на диви свињи ќе добиваат парична награда од 1000 денари за секоја стрелана единка. Исто така, ловците ќе може да го задржат и месото.

За сточарите кои одгледуваат свињи, од мерките за заштита од болеста „Африканска свинска чума, е награда, односно надомест од 50 евра по заклана свиња, за сточарите кои доброволно ќе ги дадат свињите на колење.

Одлуката на Владата за намалување на бројот на свињи, според вицепремиерот Анѓушев е донесена за да се спречи ширењето на болеста која е појавена во Бугарија пред месец дена, додека во соседна Србија болеста е регистрирана пред неколку дена.

Болеста е штетна по свињите но не и по човекот, но може да нанесе огромни штети на македонското свињарско производство.

Веќе подолго време, оваа болест е регистрирана во Унгарија, Романија, Бугарија, земји поблиски до Македонија, пред неколку дена е регистирана и во соседна Србија, но исто така „Африканската чума“ е регистирана и во Словачка, Белгија, Литванија, Летонија, Полска, Украјна и Молдавија.