Илон Маск стана втор најбогат човек во светот
Објавено во: Економија 25 Ноември, 2020
Технолошкиот претприемач Илон Маск е на врвот со основачот на „Мајкрософт“ Бил Гејтс и стана втор најбогат човек во светот по огромен раст на неговото лично богатство, објави Би Би Си.
Нето-вредноста на богатството на Маск скокна за 7,2 милијарди американски долари (5,4 милијарди фунти) на 128 милијарди американски долари откако се зголемија акциите во неговата автомобилска фирма Тесла.
Само основачот на Амазон, Џеф Безос е побогат, според индексот на милијардерите на Блумберг.
Ова се случува откако има вести дека акциите на Тесла ќе бидат додадени на S&P 500, еден од главните индекси на акции во САД.
Тоа предизвика нов бран на купување на акциите на производителот на електрични автомобили, носејќи ја пазарната вредност на компанијата над 500 милијарди долари и ја зголеми вредноста на богатството на Маск во бизнисот.
Tesla е веќе највредната автомобилска фирма во светот, и покрај тоа што произведува мал дел од возилата на ривалите како Toyota, VW и General Motors.
Во вторникот, во говорот во Германија, Маск рече дека може да има „смисла“ Тесла да се шири во Европа со влегување во сегментот на масовниот пазар со мал автомобил.
фото GETTY IMAGES