29 Март, 2020
0.0213

Имаме стар возен парк, половина од возилата се со дизел-мотори

Објавено во: Мои пари 21 Февруари, 2020

Според податоците на Макстат базата, просечната старост на патничките автомобили во 2018 година во нашата држава е 19,1 години. На патиштата во 2018 година имало вкупно 415.000 патнички возила од кои 86,7 проценти или над 360.000 биле постари од десет години.

Само 9.000 патнички возила или 2,2 процента од вкупниот број во 2018 година биле понови од две години, додека 11.000 автомобили или само 2,7 проценти биле понови од пет години .

Имаме 194 автомобили на 1.000 жители, што нѐ прави најмалку моторизирана држава во Европа. Најмногу или 670 возила на 1.000 жители има Луксембург, по што следуваат Финска со 617 и Малта со 613 возила. Од регионот најмногу возила на 1.000 жители има Словенија и тоа 540 возила, па Грција со 487, па Бугарија со 393 автомобили. 

Половина од возилата на патиштата во 2018 година биле со дизел-мотори,односно имало 208.805 возила со погон на дизел-гориво, наспроти само 44 електрични возила, чиј удел е незначителни 0,01 процент.

Истовремено, 194.384 возила или 46,7 проценти биле со бензински мотор, додека само 2,8 проценти или 11.706 возила биле со погон на течен нафтен гас (ТНГ).

Уделот на патнички возила со алтернативен погон на ниво на Европската Унија останува низок. Во повеќето земји од Европската Унија патничките возила со алтернативен погон се под 1 процент од вкупниот број на возила. Најпозитивен пример е Полска, каде во 2017 година уделот на возила со алтернативен погон достигнува 15 проценти и тоа благодарение на големиот број возила во кои е вграден уред за погон со течен нафтен гас (ТНГ).


Помалку од пет проценти од возилата на нашите патишта имаат еуро 5 или еуро 6 стандард

Според податоците од Макстат базата околу 86 проценти од патничките возила во нашата земја се постари од 10 години и имаат еуро 1, 2, 3 или 4 стандард. Според процените, во 2018 година на нашите патишта имало околу 11.000  возила со еуро 5 стандард или само 2,7 проценти, додека со највисоко ниво на еколошки стандард еуро 6 биле околу 9.000 возила или 2,2 процента.

Европската Унија во 1992 година го претстави еуро стандардот на емисија на гасови од моторни возила, што од година во година се заострува со цел намалување на емисијата на штетни гасови. Еуро стандардот ги опфаќа и мери емисијата на азотни оксиди - NОх, јаглерод моноксид - CО, јаглеводород - CН и цврсти честички - PМ.


Според податоците од табелата во просек три возила кои исполнуваат еуро 5 стандард на емисија на штетни гасови загадуваат исто како едно возило со еуро 1. Две возила со еуро 5 емитуваат иста количина штетни гасови како возило со еуро 2, 3 или 4 стандард. Доколку се земе предвид дека на нашите патишта има 360.000  возила со еуро 1, 2, 3 или 4 стандард, тогаш тие во најмала рака загадуваат двојно повеќе, односно како да сме имале повеќе од 700.000 возила со еуро 5 на нашите патишта во 2018 година.

МАКПЕТРОЛ ИНФО ПОИНТ   


Можеби ќе ве интересира

Макпетрол го стави на располагање хотелот во Маврово за државен карантин

Макпетрол го стави на располагање хотелот во Маврово за државен карантин

Макпетрол: Јавното здравје зависи од сите нас, секој е одговорен

Макпетрол: Јавното здравје зависи од сите нас, секој е одговорен

УСЈЕ и годинава се приклучува на глобалната иницијатива „Часот на планетата Земја“

УСЈЕ и годинава се приклучува на глобалната иницијатива „Часот на планетата Земја“

НЛБ Банка подготвува мерки за олеснување на отплатата на кредитите

НЛБ Банка подготвува мерки за олеснување на отплатата на кредитите

Халкбанк ја одложува наплатата на кредитните обврски за 6 месеци за сите физички лица кои имаат редовна отплата на своите обврски

Халкбанк ја одложува наплатата на кредитните обврски за 6 месеци за сите физички лица кои имаат редовна отплата на своите обврски

Вработените од „Аџибадем Систина“ донираа 50 пакети храна и медицински материјали за жителите на Дебар

Вработените од „Аџибадем Систина“ донираа 50 пакети храна и медицински материјали за жителите на Дебар

Санирани повеќе водоводни дефекти во Скопје

Санирани повеќе водоводни дефекти во Скопје

Поради приклучок на водоводна мрежа бе вода дел од Волково

Поради приклучок на водоводна мрежа бе вода дел од Волково

Без вода корисниците на улицата „Петар Георгиев“

Без вода корисниците на улицата „Петар Георгиев“