ИМАТЕ УШТЕ САМО ДВА ДЕНА ЗА ОДГОВОР ДО БАНКИТЕ - најдоцна до понеделник кажете им дали сакате одложување
Објавено во: Финансии 10 Април, 2020
Некои денеска, некои најдоцна во понеделник треба да ги донесат своите одлуки дали ќе прифатат плаќањето на нивните кредитни обврски да биде „замрзнато“ шест месеци, односно до крајот на септември годинава, и за тоа да ги известат банките преку мејловите што им беа испратени, или преку линковите кои за таа намена ги објавија комерцијалните банки на своите веб страници.
Од неа може да се види дека некои банки го дале 10 април, односно денешниот ден како финален рок за изјаснување на нивните клиенти кредитокорисници, некои го навеле понеделник, односно април, а некои во понудата имаат објавено дека таа важи во рок од 10 дена од нејзиното објавување.
Како и да е, нашиот совет е граѓаните што не го сториле тоа, уште денеска да ги погледнат убаво понудите од банките, да ги донесат своите одлуки, и да ги информираат банките на начините што тие ги претставија пред јавноста.
Инаку, речиси сите банкарски институции нудат шестмесечен грејс период, односно сите клиенти ќе добијат толкав перид на одложување на кредитните обврски.
Она што крена најмногу бура во јавноста, е фактот што банките сепак ќе ја пресметуваат каматата додека трае грејс периодот, бидејќи, како што велат оттаму, во тој период е неопходно да остваруваат приходи, а во спротивно ќе мораат да влезат во загуби, што понатаму би ја ограничило нивната можност за кредитирање.
Сепак, банките даваат олеснети услови за отплаќање на каматата, со цел тој товар да не падне одеднаш врз граѓаните.
Н.Н.Ф.