Имплементиран регионалниот проект „Претприемничко учење“
Објавено во: Мои пари 18 Мај, 2017
КултурКонтакт Австрија, во соработка со Министерството за образование и наука и Македонскиот Центар за стручно образование и обука, го имплементираше од регионалниот проект „Претприемничко учење во Македонија“.
Основна цел на проектот е Зголемување на квалитетот на наставата по претприемништво востручното образование. Проектот се реализраше во период 2014 – 2017 година, а земји партнери во проектот беа Македонија, Албанија и Косово.
Унапредувањето на претприемништвото како мотор за економскиот развој, но и како клучна компетенција претставува приоритет за развој во ЕУ и надвор од неа. Во овој контекст, образованието игра клучна улога. За успешното унапредување на наставата по претприемништво потребни се нови пристапи и услови во наставата и учењето и ново партнерство со стопанството.
РЕЗУЛТАТИ
• 17 мултипликатори од Албанија (6), Косово (5) и Македонија (6) беа обучени како обучувачи за Учење претприемништво
• Беше изготвена програма за обуки и околу 250 наставници од повеќе од 130 училишта добија обука за примена на иновативни методи во наставата по претприемништво
• Иновативен сет алатки за учење претприемништво е изготвен на албански и на македонски јазик – во печатена и во електронска верзија
• Наставниците добија упатства за воспоставување
партнерства со стопанството
ПРЕПОРАКИ
· Регионален пристап: учење од колеги, размена на искуства
· Поголем интерес и учество на учениците
· Нова средина во училницата / Промена на улогите и односите меѓу наставникот и учениците
· Потребна флексибилност на наставните планови
· Новата култура на учење и подучување треба да биде поддржана од раководствата на училиштата
· Обука за инструменти за оценување
Проектот беше спроведен од KulturKontakt Austria во соработка со Министерството за социјална заштита и млади, Националната агенција за стручно образование, обука и квалификации (Албанија); Министерството за образование, наука и технологија (Косово); Министерството за образование и наука и македонскиот Центар за стручно образование и обука (Македонија), додека техчнички партнер беше Волонтерски сервис Скопје.