ИНЦИДЕНТ ВО ТЕТОВО: Возачот на заменик-министерот за култура уапсен, попречувал работа на полицајци
Објавено во: Македонија 25 Септември, 2024
Возачот на заменик-министерот за култура Седат Сулејмани, како и внукот на возачот, вчеравечер биле приведени во полициска станица во Тетово затоа што влегле во расправија со полицајци и ги спречувале да ја вршат работата, објави „Сител“.
Според телевизијата, полицајците го запреле внукот, кој се јавил да ургира кај возачот. МВР денеска соопшти дека двајцата ја попречиле работата на полицајците и им ја загрозиле безбедноста, поради што биле приведени, заедно со уште едно лице.
Откако дел од медиумите објавија дека заменик-министерот за култура Сулејмани вечерта дошол пред полициската станица, тој за „Сител“ вели дека не бил пред СВР Тетово, туку во кафулето пред полициската станица и се интересирал што се случува со неговиот возач, но не интервенирал.