Индија го укина автономниот статус на Кашмир, а веста го „запали“ Пакистан
Објавено во: Свет 05 Август, 2019
Протести има низ Пакистан, а владата ја осуди одлуката на Њу Делхи со која се укинува автономниот статус на Кашмир.
Во Пакистан се одржуваат протести откако владата соопшти дека најостро ги осудува уставните измени на Индија за регионот Кашмир, пренесе Ројтерс.
Во Музафарабад, главниот град на пакистански Кашмир, на околу 45 км од спорната граница со Индија, десетици демонстранти со црни знамиња протестираа палејќи автомобилски гуми.
Протестите избувнаа по одлуката на индиската влада за укинување на уставната автономија на Кашмир, кој делумно му припаѓа на Пакистан. Оваа одлука на Индија не била очекувана.
На официјалниот профил на владата на Пакистан на Твитер се вели дека „Индија ги ‘погоди’ основните човекови права на граѓаните на Кашмир со повлекување на членот 370”.
Индија го укина автономниот статус на Кашмир, а владата во Њу Делхи објасни дека се одлучила на ваков чекор поради безбедносни причини. Индиските власти веќе почнале со префрлање на 8.000 војници во регионот кои треба да бидат надполнување на 35 000 припадници на армијата кои веќе се наоѓаат таму.
Индиската полиција синоќа ги уапси сите позначајни лидери на регионалните партии, меѓу кои поранешниот главен министер на оваа држава како и лидерот на опозицијата.
Можеби ќе ве интересира
ОГАН ГО ГОЛТНА СИМБОЛОТ НА КОПЕНХАГЕН! Драма во Данска: Позната историска зграда гори, кулата се сруши (ВИДЕО)
ОВА ПРАШАЊЕ СОЗДАВА РАСКОЛ ВО ЕВРОПА: Кој е за, а кој против нуклеарната енергија?
ИЗРАЕЛ ОДЛУЧИ КАКО ДА ГО ОДВРАТИ ИРАН ОД ПОНАТАМОШНИ НАПАДИ: Началникот на Генералштабот во посета на базата Неватим
ФУТУРОЛОГ ПРЕДУПРЕДУВА: Физичките пари исчезнуваат, „новите банки“ ќе профитираат
КОЈ ПИЕ НАЈМНОГУ ВО ЕВРОПА: Изненадувачки податоци за Македонците, еве колку пијат
ЕВРОПА СЕ „ДЕЛИ“ НА ДВА ДЕЛА, И МАКЕДОНИЈА ПРЕД ГОЛЕМ ШОК: До крајот на месецов не очекува значително студено време
МОЖЕТЕ ДА ЖИВЕЕТЕ ВО ИТАЛИЈА, А ДА РАБОТИТЕ ВО МАКЕДОНИЈА ИЛИ БИЛО КАДЕ ВО СВЕТОТ: Еве кои услови треба да ги исполните и колку се чека за виза
СО ЧАСОВИ ЧЕКААТ ЗА ОБРОК: Гладот ги мачи Палестинците во Газа
ЛАВРОВ: Русија ќе ја поддржи воената акција на Иран против Израел
