29 Март, 2024
0.0258

ИНФЛАЦИЈАТА ИМ ЗАДАВА ГЛАВОБОЛКИ НА МИНИСТРИТЕ ЗА ФИНАНСИИ, А И КРЕДИТИРАЊЕТО МОЖЕ ДА „ПОСКАПЕ“: ЕЦБ сигнализира зголемување на каматите

Објавено во: Економија 24 Мај, 2022

Добивај вести на Viber

Германскиот министер за финансии Кристијан Линднер,за време на состанокот на министрите за финасии на еврозоната, рекордната инфлација ја нарече „програма за осиромашување“ и „закана за економскиот развој“, пренесоа светските агенции.

„Борбата против инфлацијата мора да биде главен политички приоритет на европско ниво“, рече Кристијан Линднер, нарекувајќи го неодамнешниот пораст на потрошувачките цени причина за „најголемата грижа на населението“.

Земјите од еврозоната се соочуваат со рекордна инфлација, која во април во просек изнесуваше 7,4 отсто. Естонија и Литванија, најпогодените земји во еврозоната, забележаа раст на цените за 19 отсто, односно 16,6 отсто.

Порастот на потрошувачките цени главно се должи на скокот на цените на енергенсите и пореметувањата во синџирите на снабдување, што дополнително се влоши со војната во Украина.

„Високите цени на енергијата и другите стоки на светските пазари значат дека, на континентот, нашата куповна моќ е намалена“, рече Пашал Донохое, министер за финансии на Ирска.

„Сепак, сега сме поотпорни да се соочиме со овој нов шок“, рече Донохое, наведувајќи ги минатите заштеди, „здравите биланси во финансискиот сектор и флексибилноста и агилноста на економијата“ како позитивни показатели.

Европската комисија ја ревидира својата економска прогноза

Минатата недела Европската комисија ја ревидираше својата економска прогноза, приспособувајќи ја својата проекција за економски раст во Европската унија и еврозоната во 2022 година на 2,7 отсто, од претходните 4 отсто.

Линднер ги повика земјите од еврозоната „да направат се што е можно за да ја вратат стабилноста што е можно поскоро“, предлагајќи намалување на дефицитот и јавна потрошувачка заснована на долгови за да се олесни инфлацијата.

Претседателката на Европската централна банка (ЕЦБ), Кристин Лагард, најави дека кредитирањето наскоро би можело да поскапе.

„Врз основа на тековната перспектива, најверојатно ќе бидеме во позиција да излеземе од негативните каматни стапки до крајот на третиот квартал“, напиша Лагард, давајќи најјасна индикација дека ЕЦБ се движи кон своето прво зголемување на каматните стапки по низа години.

Во моментов основната депозитна стапка на централната банка е минус 0,5 отсто. Главната стапка на рефинансирање е нула.

Понатамошните зголемувања на стапките ќе зависат од изгледите за инфлацијата, рече Лагард, предупредувајќи дека „темпото и целокупниот опсег на приспособувањето не можат да се одредат“ однапред.

ФОТО: EPA/Thomas Lohnes

Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат