ИНСПЕКТОРИ НА ТЕРЕН: Денеска е неработен ден, нема секаде пазарење и кафиња
Објавено во: Македонија 09 Јануари, 2022
Денеска е недела, втора по ред во годината и втора откако стапија на сила измените на Законот за работни односи според кои денот недела е неработен ден. Со овие измени во недела не треба да работат околу 92 отсто од работниците. Вработените во трговските центри, односно моловите, кои ќе работат во недела ќе добиваат двојно повисока дневница, односно дневница зголемена за 100 отсто. А дополнително, 2 проценти од прометот остварен во објектите кои ќе работат во претходната година за работењето во недела и празници ќе бидат наменети за изградба на нови детски градинки.
Минатата недела, поради ограничувањата, останаа затворени повеќето угостителски објекти, трговските ланци, но и многу маалски продавници за кои граѓаните беа навикнати да работат. Имаше и реакции меѓу граѓаните затоа што работодавачите одлучиле да ги затворат објектите наместо да им дадат двојни дневници на работниците. Други коментари беа во насока дека секако и овие вработени треба да имаат одмор.
Во текот на минатата недела, дел од правните лица известуваа како планираат да работат во недела. Тие кои ќе работат имаат обврска да го пријават тоа, односно се должни да го известат Државниот инспекторат на труд на пропишан образец- Известување за вршење работа во недела, кој може да се најде на веб страницата на Државниот инспекторат за труд.
Минатиот понеделник Државниот инспекторат за труд извести дека во неделата извршил 36 контроли на територијата на Македонија. Кај 9 работодавачи, односно правни субјекти, било констатирано неправилности односно не го известиле Државниот инспекторат за труд дека ќе работат обврска која произлегува од Законот за работни односи.
Инаку Инспекторатот соопшти дека со влегувањето во сила на законските измени и дополнувања на Законот за работни односи за недела неработен ден, од 2 јануари ќе воспостави дежурства во недела по региони, на кои работниците можат да пријават доколку им се прекршени правата во врска со работата во недела.
Можеби ќе ве интересира
„Со тие разговори се направи нов злочин“: Туфегџиќ за масакрот кај Смилковското Eзеро - само штета од прислушуваните разговори
„АКО КОСТАДИНОВ Е ПРОБЛЕМОТ, ЈА ИМАТЕ МОЈАТА ОСТАВКА“: градоначалникот на Струмица бара чиста вода за жителите
ВРЕДИ: 100 ДЕНА НОВИ ПОЛИТИКИ И БОРБА ПРОТИВ СТАРИТЕ НАВИКИ - борба за санкционирање на сите кои се огрешиле
ПОЧИНАТ ВЕЛЕШАНЕЦ (43) ПРОНАЈДЕН ВО ЦЕНТАРОТ НА СКОПЈЕ - причините за смртта мистерија
ОТКРИЕНИ МАНГАН И БАКТЕРИИ ВО СТРУМИЧКИОТ ВОДОВОД - издадена наредба граѓаните да не ја користат водата
ОБИД ЗА УБИСТВО НА МАЛОЛЕТНИК: напаѓачот е во притвор - го расекол со скалпел кај вратот
„ИЗГРАДБАТА Е СТОПИРАНА“ Љутков: Скопје во 2028 година ќе има Универзална сала - на законски и легален начин
ЌЕ ГО СЛЕДИМЕ ОТКУПОТ НА ОРИЗ: Трипуновски вети заштита од злоупотреби и манипулација
ДЕСЕТТИ ХУМАНИТАРЕН ПИКНИК ЗА ВРАБОТЕНИТЕ НА „АЛКАЛОИД“: ОКОЛУ 2 МИЛИОНИ ДЕНАРИ ЗА ОРГАНИЗАЦИЈАТА СОС ДЕТСКО СЕЛО
