Добивај вести на Viber
Вчера инспекциите го чешлаа рудникот Саса, денеска министерот за труд и социјална политика откри дека има кривична пријава за правното и одговорното лице во рудникот во Македонска Каменица, но и неколку прекршочни пријави со парична казна од 46.000 евра. Инспекцијата доаѓа ден по загинувањето на млад рудар во Саса, кој бил згмечен од машината што ја одржувал.
10 инспектори од Државниот инспекторат за труд и двајца од Државниот технички инспекторат, констатитале повеќе неправилности. Деталите ги изнесе министерот.
„Од областа на безбедност и здравје при работа на работниците поднесени се 5 прекршочни пријави од кои 4 се од трета категорија со парична казна од по 8.000 евра“, информираше министерот Диме Спасов кој укажа дека прекршоците се главно во делот на безбедност и здравје при работа, но не била целосно испитувана и заштитната опрема на рударите.
Последната инспекција во рудникот била напраена минатиот септември, а како што информираше Спасов, во меѓувреме голем дел од недостатоците биле отстранети. Сепак, најави тој, покрај редовните ќе има и вонредни инспекциски надзори како во удниците, така и кај градежните компании ангажирани на изградба на поголеми објекти.
Пред десетина дена во Скопје загина и градежен работник на работното место. Минатата недела, друг градежен работник пак се стекна со тешки телесни повреди при пад од објект.