ИНТЕРВЈУ АНА ЈОРДАНОВА, СОПСТВЕНИЧКА НА „СТОБИ“: Објективизацијата на жените е реално секојдневие

Добивај вести на Viber

Кога работиш во сопствена компанија е малку полесно, но препознавањето на потенцијалот на жените во македонски услови е повеќе исклучок отколку правило. Некако сè уште, иако премолчено, важи правилото убава еднакво глупава, или таа е жена, треба да си ја гледа фамилијата, да раѓа деца, да готви. Тоа не ги спречува, се борат. Успешни жени има, не дека нема. За жал, дел од нив се фатени во „стапицата“ на докажување дека „вредат“ исто колку и мажите. Ретки се оние што успеваат да излезат од маѓепсаниот круг на очекувања, вели Јорданова

По професија е режисер и продуцент и директно е инволвирана во сите видеореклами за „Стоби“ уште од основањето на винаријата. Во меѓувреме ги презеде и менаџерските должности, природна транзиција кога се работи за фамилијарен бизнис. Во фокусот на ова искрено интервју со Ана Јорданова, сопственичката на „Стоби“, е потенцијалот на жената во домашната економија. Разговаравме и за нејзиниот однос со татка си, македонскиот бизнисмен Минчо Јорданов, за успесите на винаријата која годинава одбележува една деценија постоење, за патувањата и за слободното време кое најмногу го поминува со внукот.