25 Мај, 2018
0.3479
    ALK 7872.21    -0.65%     BESK 8017.33    3.6%     GRNT 748.68    4.56%     KPSS 300    -36.31%     MPT 31000.31    0%     OHB 6396.66    -0.83%     REPL 62000    0.81%     RMDEN13 96.7    0.73%     RMDEN14 96.1    0.63%     RMDEN16 95.5    0%     RZIN 125    4.17%     SBT 1951    -0.61%     SLAV 3600    0%     STB 1015.5    -0.27%     STBP 1180.55    5.3%     STIL 130    -0.94%     TEL 278.08    2.99%     TNB 12929.5    -4.14%     TTK 881.96    2.88%     UNI 2360    -0.04%     USJE 23003    -0.63%     ZPKO 2857    0%

Интервју отец Царкњас: Ќе имаме проблеми ако Македонија направи големи отстапки

Објавено во: Македонија 24 Јануари, 2018

Никодим Царкњас е еден од најиздржливите македонски активисти во Воденскиот крај во денешна Грција, кој неумерно работи на сочувување на македонскиот јазик и идентитет во соседната земја каде се негираат сите малцинства без оглед на нивниот јазик, историја, вера и култура. Отец Никодим е добро познат по тоа што сам изгради црква во С`ботско, Воден каде се бори да богослужи на македонски јазик, а поради таквите барања беше и разрешен од грчката црква во 90-тите години. Токму затоа отец Никодим добро ги познава радикалните ставови на грчката црква која наместо да покаже православна и христијанска добрина кон својот сосед и да подаде рака на помирување и простување уште повеќе долева масло на огнот, стои зад дел од организација на протестите во Солун и цврсто ја застапува идејата во конечното решение воопшто да не се користел терминот Македонија. За изливот на национализам, ширењето на пропаганди и нетрпеливост во овие времиња на искушение разговараме со отец Никодим Царкњас.

Фактор: Како ги оценувате неодамнешните протести кои се одржаа во Солун против употребата на терминот Македонија со скандирања дека Македонија е грчка. Дали во северниот дел на Грција на голема врата повторно на површина испливува национализмот и омразата кон македонците?

Царкњас: Имаше доста народ на овие протести иако не беа масовни како тие во 1992 година. Протестите во Солун покрај од Златна Зора беа организирани од Нова Демократија, како и од грчката црква која и финансиски учествува во носење и превоз на демонстрантите.

Сосема е јасно дека тие шират национализам и фанатизам со тоа што ја негираат македонската нација. Тоа е дел од грчката политика за асимилација и негирање на другите народи, особено македонскиот. Велат дека Македонија е грчка, но сите знаат дека Македонија е поделена на повеќе делови и повеќе држави од кој најголемиот дел се наоѓа во Грција, потоа во Република Македонија и Бугарија.

Во овој момент грчката црква кажува дека е против името Македонија кое не го прифаќаат и затоа треба премиерот Заев, но и МПЦ да бидат внимателни. Навистина е срамно што грчката црква не негира како народ.  

Фактор: Очекувате ли како што ќе се засилува актуелниот процес за изнаоѓање решение за спорот со името во Грција да се зголеми пропагандата и негативните пораки?

Царкњас: Македонија е под притисок од НАТО и ЕУ, се бара компромис и решение на спорот за името, но не смее да се менува Уставот и да се направат сите национални остапки. Тоа што се случува во Грција кај фанатиците и националистите не е нормално и истите говори може да се слушнат и во грчките цркви, на грчките националистички телевизии. На државната телевизија никогаш нема соговорник кој би поставил баланс. На пример и изјавата на солунскиот градоначалник Бутарис кој не се согласи со демонстрациите беше само кратко пренесена без дополнителна анализа?

Фактор: Дали по простестите и заострувањето на реториката во Грција има проблеми за македонците кои живеат во Воденскиот крај?

Царкњас: Притисоци и проблеми засега немаме, но проблеми ќе имаме доколку Македонија направи големи отстапки, ако се откаже од македонците во Грција, ако го смени Уставот и идентитетот. Затоа политиката мора да биде мудра бидејќи знаеме тука сите дека со било какви големи отстапки грците ќе бидат уште повеќе агресивни и ќе ја продолжат политиката на асимилација. Ова се тешки времиња и треба да се внимава многу, волкот го менува влакното но, не и карактерот.

Фактор: По пораките кои ги испрати Синодот на Грчката црква против употребата на терминот Македонија во решението за името, владата истакна дека тоа е мешање на црквата во надворешната политика и имаше остра реакција од грчкото МНР. Потоа и премиерот Ципрас се сретна со архиепископот Јероним, па дали нешто е сега сменето по ова прашање?

Царкњас: Излажаа и Ципрас и архиепископот Јероним. Таа средба не беше толку од политички карактер за проблемот кој се јави со мешањето на грчката црква во надворешната политика на Грција како што посочи владата во јавноста, туку се разговараше за владиците на грчката црква да не излегуваат на протестите во Солун и да не даваат јавна поддршка бидејќи така можеби ќе имаше и многу поголем број на демонстранти што ќе значеше дополнителен притисок врз премиерот Ципрас и неговата позиција.

Автор: Христијан Станоевиќ


Можеби ќе ве интересира

ВМРО-ДПМНЕ на Фејсбук повика на антивладин протест на 2 јуни

ВМРО-ДПМНЕ на Фејсбук повика на антивладин протест на 2 јуни

Му го каменувале автомобилот и го тепале

Му го каменувале автомобилот и го тепале

Шешељ го нарече Џафери терорист, а тој вели не се оптоварува со тоа

Шешељ го нарече Џафери терорист, а тој вели не се оптоварува со тоа

УШТЕ ЕДНА ТРАГЕДИЈА: Прегазен пешак во Ѓорче Петров

УШТЕ ЕДНА ТРАГЕДИЈА: Прегазен пешак во Ѓорче Петров

На кои реки им се зголеми водостојот?

На кои реки им се зголеми водостојот?

КОЛКУ СЕ ЗАШТИТЕНИ РАБОТНИЦИТЕ: Работник во Струга тешко повреден од пад од скеле

КОЛКУ СЕ ЗАШТИТЕНИ РАБОТНИЦИТЕ: Работник во Струга тешко повреден од пад од скеле

Разбојници ноќеска ограбиле бензинска кај Радишани и избегале

Разбојници ноќеска ограбиле бензинска кај Радишани и избегале

ГРУЕВСКИ НА ФЕЈСБУК: Прва пресуда, прва реакција?

ГРУЕВСКИ НА ФЕЈСБУК: Прва пресуда, прва реакција?

АГРЕСИЈА ПОМЕЃУ ПРИЈАТЕЛИ: Се степале девојчиња во ноќен клуб во Скопје

АГРЕСИЈА ПОМЕЃУ ПРИЈАТЕЛИ: Се степале девојчиња во ноќен клуб во Скопје