24 Мај, 2019
0.0191

Инвестиција од 1,4 милијарди евра: Бугарија ли ќе ја „лапне“ големата фабрика на Фолксваген?

Објавено во: Финансии 04 Март, 2019

Управниот одбор на Фолксваген наскоро, наводно би требало да донесе одлука за изградба на нова фабрика на „истокот на Европа“, во која истовремено би требало да се произведуваат повеќе различни модели.

Во авто-концерот тоа го нарекуваат „Mehrmarkenfabrik“. За тоа пишуваа и германските медиуми, иако штуро, споменувајќи дека се работи за „источна Европа“.

Премиерот Заев неколкупати најавуваше дека најрано кон крајот на април би требало да биде одлучено дали „една странска компанија“ ќе инвестира во земјава, што би била „најголема, најважна и најмоќна“ инвестиција за целата земја. Сепак, изгледа ова паѓа во вода. Покрај Македонија, инвестицијата се двоуми меѓу Србија и Бугрија, но изгледа дека Бугарија е фаворит.

Медиумите во Бугарија наголемо пишуваат за тоа, наведувајќи при тоа уште некои детали: фабриката би требало да почне со работа во 2023, а би произведувала 300 000 автомобили годишно - пет модели на Фолксваген, Шкода и Сеат.

Се работи, велат, за инвестиција од 1,4 милијарди евра, ќе бидат вработени околу 5000 луѓе плус 650 инженери, а се тоа на површина од 400 000 квадратни метри. 

„Бугарија понудила две локации“ пишуваат медиумите од регионот.

-Бугарија има предност бидејќи е членка на Европската унија, ситуацијата тука е мирна, а економските односи се чудесни-пишуваат медиумите.

Трговијата меѓу Германија и Бугарија пораснала во 2018 во однос на претходната година за повеќе од десет отсто и изнесува рекордни 8,266 милијарди евра, со позитивен биланс на Бугарија во трговијата со Германија од околу 320 милиони евра.

Можеби ќе ве интересира

(ВИДЕО) Девојче на 12 години заработува милиони

(ВИДЕО) Девојче на 12 години заработува милиони

Од 1 јуни во Македонија повеќе нема плаќање со високи суми во кеш

Од 1 јуни во Македонија повеќе нема плаќање со високи суми во кеш

Ова се две струки кои се најбарани во Германија

Ова се две струки кои се најбарани во Германија

НА ЕГЗОТИЧНО МЕСТО БАРААТ КЕЛНЕРИ: Нудат плата од 1.000 евра и авионски билет

НА ЕГЗОТИЧНО МЕСТО БАРААТ КЕЛНЕРИ: Нудат плата од 1.000 евра и авионски билет

Криптовалутите летнаа до небо: Биткоинот надмина 7200 евра

Криптовалутите летнаа до небо: Биткоинот надмина 7200 евра