Инвеститорите во криптовалути треба да бидат подготвени да ги изгубат своите пари
Објавено во: Економија 16 Мај, 2021
Инвеститорите во криптовалути треба да бидат подготвени да ги изгубат сите свои пари.
Оваа информација зборува многу за нестабилноста на криптовалутите и ризикот од такви инвестиции, но од друга страна, оваа форма на инвестиции може да донесе високи приноси на многумина, особено на раните инвеститори.
Неодамна, гувернерот на британската централна банка им порача на сите инвеститори во крипто-валути дека мора да бидат подготвени да ги изгубат сите инвестирани пари. На пазарот на криптовалути како биткоинот, не е невообичаено вредноста да скокне или да падне за илјадници долари за еден ден. Вредноста на крипто-валутите може да биде погодена од непредвидливи фактори. На пример, откако Маск објави дека Тесла повеќе нема да прифаќа биткоини како платежно средство за нивните автомобили, цената на еден биткоин нагло падна за околу 7.000 долари за кратко време, пред повторно да порасне.
Истражувањето спроведено од страна на криптоменувачницата Гемини, покажа дека сè поголем број луѓе планираат да инвестираат дел од своите средства во крипто-валути во иднина. Анкетата е спроведена на 3.000 лица на возраст меѓу 18 и 65 години, чиј годишен приход е 40.000 американски долари или поголем, а покрај зголемувањето на инвестициите, резултатите покажуваат дека профилот на просечниот инвеститор ќе се промени. Досега просечен инвеститор во криптовалути беше 38-годишен човек, но оваа форма на инвестиција станува се поинтересна за постарите лица, па Гемини велат дека просечната возраст на (американски) крипто-инвеститор ќе се зголеми до 44 години.
foto freepik