Ирска и Чиле најбрзо закрепнуваат од последиците на пандемијата
Објавено во: Економија 17 Јануари, 2022
Ирска постигна импресивен раст во услови на корона, oдносно има најбрзо закрепнување меѓу 23 држави на ОЕЦД.
Таа постигна најголем раст на БДП во периодот од четвртиот квартал од 2019 година до третиот квартал од 2021 година. Ирската економија во наведениот период порасна за 22,3 отсто.
На второ место е Чиле со раст на БДП од 10,4 отсто, а земјите од третото до шестото имаат многу поскромно раст, кој се движи меѓу 2,1 и 3,5 отсто. Во оваа група се и Норвешка (3,5 отсто), Полска (3,1 отсто), Шведска (2,1 отсто) и Данска (2,1 отсто).
Од европските земји најлошо е рангирана Шпанија, но последиците од кризата ги трпат и Велика Британија, Италија и Португалија.
Економиите на повеќето земји на ОЕЦД почнаа да закрепнуваат, и покрај тоа што кризата со корона продолжува, покажува рангирањето составено од The Economist.
Поради пандемијата се зголеми невработеноста ширум светот.