ИСКУСНИОТ ИНВЕСТИТОР РОЏЕРС: Биткоинот изгледа и мириса на - најлошото!
Објавено во: Економија 12 Февруари, 2018
Драматична продажба на берзата која се случи оваа недела предизвика загриженост на пазарот на мечките (пад од 20 отсто се нарекува „пазар на мечки“).
Според зборовите на легендарниот инвеститор Џим Роџерс, следниот пад ќе биде покатастрофален од било кој досега.
„Тоа ќе биде нешто најлошо во животот“, рекол.
Овој инвеститор предупредува дека тоа може да се случи бидејќи се повеќе се акумулира долгот во светската економија, кој се „ѕида“ уште од финансиската криза, посебно во САД.
„Сите должат, и секој ден се повеќе“, рекол тој.
Според неговите зборови, кинескиот пазар може да расте во наредните недели, но тоа ќе се види, додава кога ФЕД ќе ги подгине каматните стапки во март, како што се очекува. Роџерс бил сведок веќе на неколку „пазари на мечки“ , вкучувајќи го и оној пад од 1987 (пад од 36 отсто), потоа пукањето на балонот 2000-2002 (пад од 38 отсто) и Големата рецесија (2007/2009г. - 54 отсто). Роџерс уште во ноември кажа дека не му се допаѓа состојбата на акциите во САД, бидејќи на пример, Јапонија, Кина и Русија понудиле подобри инвестициони политики.
Роџерс исто така ги предупредил инвеститорите да стојат подалеку од биткоинот бидејќи „изгледа и мириса на сите меури кои ги видов претходно“.