Исламист избоде чувари во затвор
Објавено во: Свет 05 Март, 2019
Полицијата во Франција опколи затвор поради напад на радикализиран затвореник.
Во затвор во францускиот град Аленсон се случува вистинска драма.
Со керамичко сечило еден од радикалните исламисти, кои се затворени во овој затвор, нападнал двајца чувари со повикот ,,Алах акбар”. По нападот, тој се забарикадирал во ќелијата, заедно со уште еден исламист.
Специјалците упаднаа денеска попладне во затворот Конде сур Сартр каде 27-годишен радикализиран затвореник повреди тешко двајца чувари со керамички нож, јави дописникот на МИА од Франција.
Регионални полициски тимови за интервенции и РАИД елитни одреди на националната полиција пристигнале попладнево во затворот каде напаѓачот и негова пријателка се забарикадирани од утрото во делот за посети.
Постои сомнеж дека ножот во затворот го внела сопругата.