11 Јули, 2020
0.0343

Исповед на возачот чиј автобус се запали во Грција: Најстрашно беше во задниот дел

Објавено во: Балкан 12 Август, 2019

Дробови полни чад, лице црвено од пламен, заматен вид од содржината на противпожарниот апарат кој му прснал во очи. Така изгледал Зоран Марјановиќ кој бил зад воланот на запалениот автобус со српски туристи во Грција.

Штом го прегазил душекот на автопат се појавиле искри, а неколку секунди потоа пламенот веќе беснеел помеѓу седиштата на кои биле заспиените патници.

Во мракот и чад, со вресок на луѓе и во само неколку секунди Зоран организирал евакуација и тргнал да го гаси пламенот.

-Неколку работи морав да направам и тоа во исто време, и тоа одеше само од себе, не знам како. Почна паниката, застанав и истрчав. Веќе го видов чадот и се појави пламенот. Се врати автобусот, ја деблокирав вратата додека уште работеше електрониката и им реков на патниците да излезат а потоа го земав апаратот за гаснење пожар-раскажува возачот за српските медиуми.

Тој вели дека најстрашно било во задниот дел на автобусот. Патниците веднаш можеле да го видат чадот, а просторот го исполнил чад. Имаше и мала паника, луѓето врескаа, но евакуацијата за среќа, брзо заврши.

Возачот раскажува дека луѓето добро се снашле и за брзо се организирале, не паѓале не се сплеткувале, и се оддалечиле од автобусот нешто да не експлодира.

Се сеќава и дека 15-20минути се борел со пожарот во автобусот додека дошле пожарникарите. За автобусот немало спас, а од багажот е спасено по нешто.

Душекот не можел да се избегне

Како што вели Зоран, најпрво видел некои шарени работи расфрлани по патот, кои изгледале како да испаднале од нечиј камион. Набрзо, забележал некаква испакнатина на патот. Тоа бил сивкаст, едвај воочлив душек и се што можел во тој миг е да помине преку него.

-Од левата страна на патот ме претекнуваше автомобил. Не можев нагло да закочам, бидејќи тогаш сигурно би имало повредени. И да преминев во лентата за запирање, повторно ќе го допрев душекот. И се би било добро да немал жица во себе која се закачи за моторот на задниот дел на автобусот-објаснува Зоран.

Патниците кои требало да се вратат во Белград од Грција чекале два часа но на крај се завршило добро.


Фото: Facebook/Gordana Đurić


Можеби ќе ве интересира

ХАОС ВO БЕЛГРАД: Демонстранти ја напаѓаат полицијата, едно лице е повредено со нож

ХАОС ВO БЕЛГРАД: Демонстранти ја напаѓаат полицијата, едно лице е повредено со нож

БЕЛГРАД: Демонстрантите почнаа да влегуваат во зградата на српското собрание

БЕЛГРАД: Демонстрантите почнаа да влегуваат во зградата на српското собрание

УНЕСКО, Грција и Русија се побунија за Аја Софија

УНЕСКО, Грција и Русија се побунија за Аја Софија

Во Црна Гора короната зема замав

Во Црна Гора короната зема замав

БРОЈ НА ПОЧИНАТИ ОД КОРОНА: Србија е трета во Европа

БРОЈ НА ПОЧИНАТИ ОД КОРОНА: Србија е трета во Европа

Прво негативен корона тест, па потоа влез во Грција

Прво негативен корона тест, па потоа влез во Грција

Катимерини: Граѓаните на Северна Македонија пред клучни избори

Катимерини: Граѓаните на Северна Македонија пред клучни избори

Денеска турскиот суд носи судбоносна одлука за Аја Софија

Денеска турскиот суд носи судбоносна одлука за Аја Софија

Денеска Вучиќ и Хоти ќе објаснуваат пред Макрон и Меркел што ќе договорат за Косово

Денеска Вучиќ и Хоти ќе објаснуваат пред Макрон и Меркел што ќе договорат за Косово