Испровоциран од нападот во Нов Зеланд, Ердоган со опасна порака

Добивај вести на Viber

Нападот на двете џамии во Нов Зеланд, за турскиот претседател, Реџеп Таип Ердоган е напад на Турција. 

Тој испрати заканувачка порака. Вели дека ќе ги врати назад во ковчег сите кои ќе се обидат да го заземат Истанбул.

Ердоган  тврди дека нападот во Нов Зеланд е доказ за глобалниот анти-муслимански сентимент.

Вели дека ги тестираат од 16.500 километри, од Нов Зеланд, и дека пораки праќаат од таму. 

„Ова не е индивидуален чин, ова е организирано“ - вели Ердоган.

Тој изјави дека вооружениот напаѓач ѝ се заканил на Турција и претседателот лично и дека сакал да ја истера Турција од европскиот дел. 

Медиумите претходно објавија дека напаѓачот Брентон Тарант, на социјалните мрежи се заканувал на Ердоган. 

Во нападот беа убиени 50 муслимани, а убиецот за себе кажал дека е расист.  Можно е безбедноста на напаѓачот да биде загрозена во затвор. Тој пред да го изврши нападот, изминативе години патувал во повеќе балкански земји. 

По минатонеделниот напад во Нов Зеланд, муслиманските водачи во Британија побараа од властите да им дадат средства за обезбедување на џамиите, како што тоа беше направено за еврејската заедница во земјата.

Премиерот на Нов Зеланд, Јакинда Ардерн изјави дека владиниот кабинет ги поддржал измените на законот за оружје, по терористичкиот напад во двете џамии, во кој животот го загубија 50 луѓе и многумина се повредени.